CA’ THE YOWES (Robert Burns) as sung by Chris Davey

Ca’ the yowes tae the knowes,
Ca’ them whar the heather grows,
Ca’ them whar the burnie rows,
My bonnie dearie.

Hark the mavis’ e’enin’ sang,
Sounding Cluden’s woods amang;
Then a-fauldin’ let us gang,
My bonnie dearie.

Fair and lovely as thou art,
Thou hast stown my very heart;
I can die, but canna part,
My bonnie dearie.

While water wimple to the sea,
While day blinks in the lift sae hie,
Till clay-cauld death shall blin’ my e’e,
Ye shall be my dearie.

Ca’ the yowes tae the knowes,
Ca’ them whar the heather grows,
Ca’ them whar the burnie rows,
My bonnie dearie.